Ku Cyumweru tariki ya 28 Gicurasi 2017, muri Paruwasi MWANGE yaragijwe Bikira Mariya Umwamikazi w’amahoro, habaye umunsi mukuru w’abageni ba Nyirubugingo, banahimbaza mutagatifu Rita umurinzi wabo.
Ibyo birori byabimburiwe n’igitambo cya misa cyayobowe na Padiri Célestin MBARUSHIMANA, Omoniye w’Abageni ba Nyirubugingo muri Paruwasi MWANGE.
Nyuma ya Misa hakurikiyeho ibirori. Abafashe ijambo, ari abaturutse mu yandi maparuwasi n’uhagarariye Abageni ba Nyirubugingo muri Diyosezi RUHENGERI, bashimye abavandimwe babo ba Paruwasi Mwange kubera intambwe bamaze gutera. Mu ijambo rye, Padiri Célestin MBARUSHIMANA, Omoniye wabo yagarutse ku buzima bwa Mutagatifu Rita, umurinzi w’abageni ba Nyirubugingo; yaravuze ati: Rita dukwiye kumwigiraho kwihanganira ingorane zose duhura nazo, gukomera ku sengesho, gusabira abatugirira nabi( abatwanga ), kwita ku bakene n’abarwayi, kwihatira imigenzo myiza y’ubutagatifu,…
Padiri mukuru wa Paruwasi MWANGE, Padiri Laurent UWAYEZU, yashimiye abageni ba Nyirubugingo uruhare rwabo mu kwitabira gahunda za Paruwasi, anabasa kurushaho gutanga ingero nziza muri bagenzi babo, bakabera abandi urumuri.
Padiri Célestin MBARUSHIMANA